ITC.RT

شباب ارامكو راس تنوره
 
الرئيسيةالبوابةاليوميةس .و .جبحـثقائمة الاعضاءالمجموعاتالتسجيلدخول
شاطر | 
 

 هههه قصيدة عن حبيبتنا شركة ارامكو من اخوووكم black heart العنزي

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
BLACK HEART
عضو جديد
عضو جديد


عدد المساهمات: 5
تاريخ التسجيل: 09/01/2011

مُساهمةموضوع: هههه قصيدة عن حبيبتنا شركة ارامكو من اخوووكم black heart العنزي   الجمعة يناير 14, 2011 3:01 am

السلام عليكم



بين الريس والمرئوس****صرنا علكة بين ضروس****هذا يخطط وذاك يحوس**** والله يعلم بالحالي

قال الموظف يا رئيس****في مرتبتي أبغى اخيس****وما شفت الا قراطيس**** وعود مالها تالي

قلت يا ريس هذا فلان**** في مرتبته من زمان **** وانا وعدته والآن **** ابيك توقعها لي

قال لي انتا مالك دور**** وشلون توعد يا مغرور **** الله اكبر يا بلفور **** وعدك ينفذ طوالي

يوم وجه لي هذا اللوم **** كني على وجهي ملطوم**** قلت الموظف يجيك اليوم *** وقل له اللي قلته لي

كشر وطير لي عيونه****وقال لي وين المرونه****الموظف لو تقنعونه**** بنقصه يسكت في الحالي

قلت الموظف مابه عيب****الا نقص في التدريب****ونحنا السبب يالحبيب **** محتاجينه طوالي

قال لي دربه ( بارت تايم ) **** وقطع تدريبه دايم**** وخله في ( قريده ) نايم **** ولا تفتح له مجالي

قلت باقول بفصاحه **** ارقد وخذ لك طراحه**** ما في ( قريد ) بصراحه **** لو توصل العلالي

رفع الريس سلاحه **** وقال لي هذي وقاحه**** وقلبها لي مناحه **** وحلف ما يتركها لي

هددني بصرامه **** ريسي واعرف احكامه **** ما يرجع في كلامه **** والله يلطف بالحالي

رجعت وانا افكر **** هل اكذب ثم استغفر **** واحلف ثمن اكفّر **** وقمت ارتب اقوالي

قلت للموظف المنسي****لازم ترقا ( إن بلصي ) ****لأن ( الأوت اف بلصي )**** ما عاد يمشي يا الغالي

قال لي ما دربتوني **** وفي العمل كرفتوني **** وكم مره وعدتوني**** وما عاد عندي احتمالي

انا من ( الإنتيقريشن )*** مجمد وبلا ( برموشن ) **** وغيري ماله ( لمتيشن )***( أوت بلصي ) طوالي

لكن الله يمحاكم **** ويمحا العمل واياكم **** ويمحا كل روساكم **** ولا يبقالكم تالي

قلت لا تدعي علينا**** ومافي شي بيدينا**** لكن اصبر علينا**** والله يغير الأحوالي

قال لي الله ينكبكم **** ما شفنا اكذب منكم **** صار الكذب مذهبكم **** يقدم في كل مجالي

قلت يا ريس انتهينا**** قاموا يدعون علينا **** وانت مكبل يدنا **** شف لك واحد بدالي

قال لي وحدتك منحاسه **** وينك و وين الرئاسة **** الشغله تبغا فراسه **** لازم تغير في الحالي

يا ناس انا شسوي **** عندي ريس متقوي**** وموظفي متهقوي **** اني ريس مثالي

الموظف يبغى حقوقه **** وريسي أخشى عقوقه**** وماء وجيهي احوقه ****لا ياصل النعالي

قلبي يا ناس انفطر **** ورئيسي قلبه صخر **** وصرنا ممشة زفر **** نوبخ مثل الأطفالي

حملنا مسؤليه **** وسلبنا الصلاحيه **** هذي والله بليه **** تنهد لها الجبالي

كلن يشكي رئيسه **** وريس ريس رئيسه **** وصار الموظف فريسه **** لقرارٍ ارتجالي

رضا الجميع ما يدرك **** لكن كله لا يترك **** ورضا مولانا ابرك **** من جميع الأموالي

اترك نهج الخواجه **** فكل افكاره سماجه **** وترا مالك به حاجه **** نهجه خربان وبالي

الكذب عنده سياسة **** والظلم عنده فراسه **** وان شافك يحني راسه **** وتقول انه مثالي

نبي نرجع للسيره **** ففيها حلول كثيره **** ونوجه المسيره **** الى الجنه طوالي

ما أحسن الصراحه **** فيها النجاه والراحه **** والكل تكمل افراحه **** ويعمل مرتاح البالي

----------------------------------------------------------------------------------------------------------------------------------------------------------------------------------------------------------------------------

اخواني الكرام هذا جزء يسير من معانات الرئيس المباشر وهو امر حساس جدا ولا يحب الرؤساء التطرق اليه ورد في المقال اعلاه بعض المصطلحات الإنجليزية ومعناها:

( ان بلصي ) = نظامي ومستوفي للشروط

( اوت اف بلصي ) = عكس ( ان بلصي )

( برموشن ) = ترقية

( لمتيشن ) = حدود او قيود

( الأنتيقريشن ) = الدمج ( دمج سمارك في ارامكو )

( بارت تايم ) = جزئي او نظام ساعات

( فل تايم ) = كامل الوقت

( قريد ) = درجة او مرتبه

ختاماً

نظام الترقيات في الشركة ممتاز ولكن البلا من الذي لا يحض على طعام المسكين
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Admin
أبو خالد
أبو خالد


عدد المساهمات: 45
تاريخ التسجيل: 06/01/2011
العمر: 24
الموقع: راس تنوره

مُساهمةموضوع: رد: هههه قصيدة عن حبيبتنا شركة ارامكو من اخوووكم black heart العنزي   الجمعة يناير 14, 2011 7:37 am

ههههههههههههههه
تسلم ولا هنت
بس احلى شي الترجمه
تقبل تحياتي
اخوك


ابو خالد
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://itcrt.akbarmontada.com
 

هههه قصيدة عن حبيبتنا شركة ارامكو من اخوووكم black heart العنزي

استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

 مواضيع مماثلة

-
» جيب بطن وووو نكات تموت من الضحك هههه
» عامر بن سرحان ال تركي الهذال العنزي(حبيبي وقوانينه)
» My Heart Will Go on (Lyrics)
» New Black and White photo
» black rock shooter cosplay

صلاحيات هذا المنتدى:لاتستطيع الرد على المواضيع في هذا المنتدى
ITC.RT ::  :: -